Hüt isch ironmann tag gsi in kopehage…es renne um de 4.platz. di eigetliche drü ironmänner händ sich wieder en touristetag gmacht. Losgangä is mit de 400 stufe uf de turm vo de erlöserchile,wa miteme super usblick über d’stadt belohnt worde isch.

(D’panoramabilder folged no ufeme andere weg)

Aschlüssend isch d’hippiekommune vo kopehage gangä…ganz e faszinierendi, spezielli gegend mit menge skurille sache.

Nochere mittagsstärchig ufem wasser hämer üs dur de ironmann i richtig königin kämpft…es sind no s’schloss amalienborg, d’frederikschile und s’schloss rosenborg mit de königliche gärte ufem programm gstande. Bsunders de faszinierend rase häts im geri atue!:-)

Zum turistische abschluss vom tag simer den no zu de chline meerjungfrau…da mös mer do eifach gseh ha!

Erkenntnis des Tages: Z’dänemark isch de stoff für beibekleidig (zum glück) sehr tür…doher laufeds au no sehr churz bekleidet ume, währed dem gwüssi „innerschwizer“ scho ufem weg zunere polarexpedition sind.:-)

P.S.: wünsch allne wos wieder los goht en guete start!

nocheme usgibige zmorgebüffet i de garteterrasse vo üsem 6*-hotel (gwüsse lüt säged dem au abschätzig camper) is los gangä ufüse erkundigstour dur kopehage. dank de copenhagencard hämer für 24 stund zit zum all die tüpische touriste attraktione gratis z’betrachte. so hämer s’christiansborg (s’alte schloss und aktuelle parlamentsgebäude) intensiv agluegt (inklusiv stallige…isch jo gratis gsi). S’highlight vo christiansborg (jo eigetli vo ganz kopehage…oder sogar dänemark) sind aber die drü perfekt gstaltete, wunderschöne statue!

Geri der Suchende

Karl-Paul der (Nach-)Schauende!

Noch dere dosis museum is den ufe kanalrundfahrt gangä zum sich chli erhole (gäll päuli):-. chum zrugg, hät de geri zur abwechlig mol chli hunger verspührt und mir händ üs im znacht gwitmet immene restaurant mit diverse tüfflügende gegeständ.

De obig hämer den im tivoli, emene vergnüägispark mitte i de stadt (zuedem ein vo de ältiste weltwiet), verbrocht. Bsunders d’ussicht vom starlyer (es 80m hochs chettekarussell) hät üs beidruckt.

Erkenntnis des Tages: Reto B. mue blind (oder zumindest churzsichti) dur kopehage gloffe si.

Nochere stürmische nacht (also rein s’wetter) und em gmüätliche ufwache mitte im grüäne, is hüt richtig kopehage gangä, woni de päuli und de geri mit chli verspötig (si händ no e zuesatzschlaufe igleit) in empang han dörfe näh. Mit ihne is den richtig campingstellplatz i de nöchi vom zentrum gangä. Wie so viles isch au dä do bitz türer als a andere ort. Dank eme churze hilfsisatz bim platzwart, chömemer aber no in gnuss vomene rabatt!:-)
Nochem parkiere is den scho zimli schnell los gangä uf e ersti entdeckigstour mitem bootbus und z’fuess. Noch de besichtigung vo paar sandskulpture, isch im geri sin chnurende mage den di triebend chraft gsi.

Bild des Tages:

Sölli…sölli nöd…sölli…sölli nöd…de wecker stelle?
Da mol hani mi degege entschide und bin wieder richtig gläge!
Hüt is ab is Legoland gangä. Do ohni Wecker ufstoh agseit gsi isch, bini den chli spöter dra gsi als mer vorgno ha…doch wa für e überraschig, de parkplatz1 isch erst halb voll! Guet, ticket löse und zum igang…oha, da tor isch jo no dune. Den halt, stömer au mol i de schlange a. Chumi bini recht i de schlange gstande, is tor aber scho ufe…also wieder mol alles richtig gmacht!:-)
S’legoland isch mindestens so faszinierend wie d’miniatürwunderwelt. Au sehr vil liebi zum detail und immer wieder für überraschige guet. Halt eifach alles chli grösser, defür s’meist us handelsübliche legostei baue!

Zum abschluss vom tag bini den no in weltgrösste legoshop…wuauh, riesig! Zum guete glück bini als chind nie det gsi. Do hät mer mi nüm use brocht, oder nur mit sehr grosse choste verbunde!:-)
De Obig hani domit verbrocht, kopehage chli nöcher z’cho (de geri und de päuli chömed morn):-), gegend chli aluege und es plätzli zum schlofä z’finde. Glandet bini zwüsched brydegard und brunshuse a de ostseeküste!

Erkenntnis des Tages: nocheme „all you can eat“-buffet söt mer uf de nöchste vergnüägigsbahn nöd gad di maximal stufe wähle!

P.S.: @ Fränzi: s’legoland isch s’nöchste womer bruched z’salestei! Dini jungs chöted susch schomol afange baue…