Hüt morge is z’erst an strand vo kopehage gangä zum go zmörgälä (resp. Eher zmittag ässä…die sind so früä nonig für üs parat gsi). Aschlüssend isch es erfrischends bad i de ostsee ufem programm gstandä (16 grad wassertemperatur).

(Für de reto häts e chlini suechufgob versteckt):-)

Noch dem bad is den scho richtig flughafe gangä und i han mi vo mine beide gspöndli vo de letschte täg wieder möse verabschide. Für mich is über de beidruckend orrsundbrugg witer gangä uf schwede.
I han de erst obig und di erst nacht gad in malmö, de erste stadt in schwede, verbrocht. Es hät en schö grosse strand und als highlight en riesige turm wo vom calatrava entworfe worde isch.

Erkenntnis des Tages: in schwede isch de rase im park gnau glich schön und de stoff gnau glich tür wie in dänemark.