Endli isches sowit. Los goht‘s!
S’Ziel vo minere reis…hmm…gits nöd. I leb eifach chli in tag inne und lueg wo mi min camper anebringt. S’einzig woni weiss, isch dass mehrheitlich nordwärts goht, ich mitte august (am 10.8.12, 14:05 Uhr) söt in kopehage si zum de päuli und de geri abhole und de mäthel und brigitt sich no es bild vom nordkap ohni nebel wünsched.
I werd i dem blog probier es tagebuech führe mit chline iträg zu jedem tag. Jedoch mueni wohrschindli amels mehreri iträg uf z’mol ufelade, je noch dem wieni gad empfang han. Öbers läsed oder nöd…mir eigetli glich.:) Wür mi aber freu. Selbstverständli freui mi au über en glägentliche kommentar..
En chline dank no a die wo einiges zu dem blog und minere reis bitreit händ:

De martina und em sandro fürs gstallte und fülle vom quickycar (em reto natürli fürs vorhergehende leere) 🙂 Em joel und em reto für’s irichte vom blog und de steffi fürs bstelle.
Allne kolleginne und kollege wo mi bi mim letsche bier i de schwiz understützt händ.
Und en grosse dank a d’mother (salsterdütsch usgsproch nöd englisch…die wüssed eifach nöd wie da richtig gäng) und an chläne für ihri hilf.

„LOSE GEHT’S“ (King Julian, Madagasca