Nocheme usgibige z’morgebuffet (und emene usgibige gwuschel um da buffet) is zum schloss schönbrun gangä.
De mäthel hät sich nochere churze berotig bereit erklärt zum sich i die menschemasse z’stürze und tickets fürs schloss z’organisiere. Am ticketschalter endli acho, häter den aber möse erfahre,dass mer zwei stund mue warte, wa üs den doch bitz z’lang gsi isch. So hämer e rundi dur de wiehnachtsmarkt und rund ums schloss gmacht und eis grüppli (inkl. mir) sind no bitz in park währed dem di andere (hauptsächlich fraue) zum glüäwy sind.
Am nomittag is zrugg i d’innestadt, in stefansdom gangä. D’herre vo de gruppe händ den die bitz über 340 treppestufe uf de turm in agriff gno,währed dem d’fraue i d’bar sind.
Nocheme gmeinsame kafi hämer üs ufteilt i es dusch-,es kafi- und es kulturgrüppli. I ha mi letschtere agschlossä.
Zum znacht gits nöd vil z’sägä…nur s’esse isch guet gsi…
Entscheidung des Tages:
Lüt wo sich susch vor suntigsspaziergäng drucked, händ sich plötzli fürs laufe und geg de glüäwy entschide!