Noch minere nacht uf finischem bode is hüt witer gangä uf norwege. Landschaftluch is zu beginn no recht ähnlich gsi, vil birkä (-strüch) und ab und zu es paar tanne. Defür häts jetzt es stuck meh rentierghäg gha und überall d’autos mit ahänger vo de same,wos ihri quad druf transportiered. Über kautokeino und karasjok, zwei samische ort (mit vil souvenierlädä) is nordwärts am porsangenfjord entlang gangä. Langsam aber sicher sind jetzt au d’strücher mangelwar worde und es hät so usgseh wiemers us de film kennt.
Dur de tunnel (es isch eifach z’erst mol steil s’loch abgangä) bini den uf dere insle glandet wo sich s’nordkap befindet. Bis 10km vorem kap isches no ganz akzeptabels wetter gsi (ab und zue paar wolkefätze), den is aber losgangä mit dickem näbel und schritttempo isch agseit gsi (hät jo au plötzli es ren chöne uf de stross ha…was den au mehrmols gha hät)! Doher hani vom nordkap leider nonig vil gseh. I verbring jetzt f’nacht mol ufem parkplatz vom nordkap und hoff uf wetterbesserig…falls mi nöd wegwindet!

Einsparung des Tages:
Entgege allne reisefüährer und internetfore isch de tunnel zum nordkap gratis gsi! Si händ sid ende juli (2 johr früäner) bauchoste deckt und verzichted drum…da isch mol fäir!