Hüt is i d’miniatürwälte gangä…resp. häts z’erst mol sölle. Han mi relativ bezite uf de weg gmacht (hüt häts s’erst mol ufem weg zu de s-bahn sowas wie läbä gha. Befind mi glaub immene arbetswüätige stadtteil,wos sich am wuchenend versteckt zum sich erhole) richtig hafecity. Bi de miniatürwälte bini gad zu beginn mol innen extraruum gschickt worde,wos mer mitteilt händ (also bi nöd ganz allei gsi),i hät sölle es ticket reserviere. Zum glück häts abem mittag no paar freii gha…
Doch jetzt, wa mit de zit mache? Gad nebed dra häts e neui attraktion „hamburg tungeon“ (e geisterbahn zu de gschicht vo hamburg)…sölli…sölli nöd…sölli… also i stand mol a! Im nochhinein zum guete glück. Isch e lässigs, schreckhafts erlebnis gsi und dank drü nette österricherinne au nur halb so tür wieni erwartet han (eigetli wärs 23€ gsi).
Noch dem, is den endli abgangä i d’miniatürwunderwelt! SPITZE!!!bin für ca 5Std. det gsi,wobi i de schluss relativ schnell hinder mi brocht han. Chans nur witer empfehle! Aber achtung jungs, frau und chind lönder besser dihei, git nur ärger! (Gnueg mol miterlebt!)Und gönd verpflegt…dä service isch nämli au mini…
Nochher bini völlig ko vo de idrück nomel bitz an hafe und nomel a d’reeperbahn ( han no möse e foti mache, do öber d’reeperbahn für e johrmarktattraktion ghaltä hät!:-))
Und jetzt sitzi no chli a de alster für es bier! Prost!

Erkentnis des Tages: d’tafle vo de herbertstrasse wür sich au guet vor de miniatürwunderwelte mache!:-)