Hüt morge is zum abschid vo hamburg(de isch aber sicher nöd endgültig gsi) no bi de Imtech-Arena verbigangä, de heimstätte vom HSV. De bsuech hät gad mitere überraschig agfangä…di 1.Mannschaft und d’u23 sind gad ufem nebedplatz am trainiere gsi!am spannendste debi sind aber fast all die zueschauer gsi (z.t. mit riesige sportobjektiv) und di beide fernsehteams.und da bimene normale training…fast wie bi üs im tv.(au d’üäbige wos gmacht händ…si sind gad am „ben hur“ mache gsi,eifach i de eifache fuessballervariantä.)

Uf de witerfahrt hani min 1.stopp in brunsbüttel gmacht. I han en wegwiser zunere schleusse gseh und bin mer die mol go aluege. Nochher is de erste dünne noh gangä uf friedrichskoog zumene witere stopp und ufem weg zum tagesziel hani nomel en zwüschehalt bim grosse eidersperrwerk igleit. Min hütige übernachtigsort hät einiges mit minere chindheit z’tue…nebed knight rider und macgyver isch da wohrschindli die serie gsi wo do gspilt hät,woni chum e folg verpast han: „gegen den wind“!geg de wind hani mi den au möse kämpfä uf mine erkundige dur s’dorf und am strand.

P.S. Falls lehrer söt gäh wo da lässed (natürli au lehrerinne,vo dene wirds noch statistik sogar meh gäh),chönd eu tröste,do isch d’schuel hüt schowieder losgangä…

Geschichtsstunde des Tages:d’seemänner händ früäner immer es goldigs ringli im ohr gha zum d’beerdigung finanziere,wenns irgedwo tod agspüält werded. Händs aber vorher blödsin baue,isch ne da zum ohr usegrisse worde und si händ en schlitz im ohr gha…es schlitzohr