Hüt is relativ bezite in oslo losgangä, demiti de tag in göteborg chan verbringe. Woni den gege mittag det gsi bi (und sogar cheibe schnell en parkplatz in zentrumsnöchi gha han) is mol chli uf erkundigstour. Dos aber immer wieder chräftig gregnet hät unds mäntig gsi isch (sogar de fischmarkt hät zue gha), isch nöd vil gloffä.

Am meiste i de ichaufspassage. Au susch hät göteborg nöd würkli vil z’büte gha. Am meiste hät mer de hafe mit de opere und d’kanäl wo no übrig sind zuegseit.

So bini den relativ bald wieder gangä und han in varberg, woni d’nacht verbring, no en spaziergang um d’festig und em stürmische meer entlang gmacht.

Erkenntnis des Tages:
Wa nützts mer wänn d’frisur hebt und d’stadt glich nüt z’büte hät…?