Wien: Tag 5 – früh wars…

Hüt isch nur no d’heimreis ufem programm gstandä. Somit isch bereits am 10ab 4i tagwach gsi und am halb 5i simer vo zwei taxis abgholt worde, dos um die zit no kei anderi möglichkeit gäh hät zum zum flughafe z’glange. E uhrzit wo im sascha sin wecker no nie gseh hät…drum hät er üs den au hüt morge zum schlof use ghuestet.
Nochem verabschide z’altstätte simer vom chauffer wieder heigfahre worde…damol hät s’ablade noch plan funktioniert!;-)

Dank des Tages:
A ali wo debi gsi sind für di tolle täg und bsunders a d’familie vetsch fürs organisiere!

image

image

Wien: Tag 4 – Sylvesterkater…nee, Prater!

Am 1.jäner isch vorallem z’erst usschlofä agseit gsi. Also zumindest für di meiste…bi mir is bitz früähner gsi. Nochem gewuschel bim zmorgeässe (di händ glaub i jedes zimmer nomel es bett inegstellt) hani mi is uno-quartier und in donaupark begäh. Uf en bsuech ufem donauturm hani aber verzichtet, do s’wetter nöd sehr sichtig gsi isch.

image

Aschlüssend hani mi miteme grüppli bim hundertwasserhus troffä und s’zweit grüppli isch is uno-quartier. Bim hundertwasserhus hämer au no s’haus der kunst agluegt.

image

Am nomittag hämer üs ali den wieder bim prater (gnau gno im wurstelprater) troffä. Zun start bini mit de sandra gad uf di erst bahn gangä. Eini wo di i ali richtige trüllt mit bis zu 3g. Eigetli nüt speziells, doch hät de gueti herr s’sehr guet gmeint und d’bahn gad zweimol laufe lo.

image

Als abschluss im prater simer no ufs rieserad. Damol no innere ganz normale gondle, bi einige isch aber unmissverständlich komuniziert worde, dasses nöchst mol es candlelight – dinner mue si!

image

image

Znachtgässä hämer gad bim bahnhof bim italiener. Es restaurant wo gad alles noch dine wünsch frisch zuebereitet worde isch.

Italiener des Tages:
Dä guet 25jöhrig herr wo sich bim z’morge vo sinere fründin bediene und s’brötli mache lot.

Wien: Tag 3 – Sylvesterpfad

Hüt is bitz früähner use gangä (wie erwartet nur für di einte,aber doch für meh als denkt). Mir händs nomel im schloss schönbrun probiert. Für dä weg wo de mäthel gescht innere gfühlte stund zrugg gleit hät, hämer hüt e minute brucht und mir händ direkt ilass is schloss übercho. En bsuech wo sich glohnt hät.
Nochem obligate glüäwy vorem schloss is i d’innestadt gangä. Det hämer üs innes shoppinggrüppli und es naschmarkt grüppli ufteilt und de nochzügler hät sich bereits mol ufem prater umegluegt.

image

Am drü (also so wärs zumindest plant gsi) hämer üs ali wieder bim hotel troffä zum zämä uf de sylvesterpfad z’go. Nochem start bi de rothusbühni (mitere bänd us paar alternde radiomoderatore wo nöd gmerkt händ dass mer in wien au wür dütsch verstoh) is in hof gangä zu de ö3 bühni.

image

Det häts diversi,anschinend in östrich bekannti, liveacts gha wie de Julian le Play (oder plae noch de moderatorin) oder d’GuGabriel. So hämer de obig a diverse plätz i de innestadt verbrocht bis am 2 überall fertig gsi isch und mer zrugg is hotel sind. Für di eine no miteme zwüschestopp a de hotelbar!

image

Wunsch des Tages:
E GUÄTS NEUS!!!

Wien: Tag 2 – Im Reich von Sisi

Nocheme usgibige z’morgebuffet (und emene usgibige gwuschel um da buffet) is zum schloss schönbrun gangä.

image

De mäthel hät sich nochere churze berotig bereit erklärt zum sich i die menschemasse z’stürze und tickets fürs schloss z’organisiere. Am ticketschalter endli acho, häter den aber möse erfahre,dass mer zwei stund mue warte, wa üs den doch bitz z’lang gsi isch. So hämer e rundi dur de wiehnachtsmarkt und rund ums schloss gmacht und eis grüppli (inkl. mir) sind no bitz in park währed dem di andere (hauptsächlich fraue) zum glüäwy sind.

image

image

Am nomittag is zrugg i d’innestadt, in stefansdom gangä. D’herre vo de gruppe händ den die bitz über 340 treppestufe uf de turm in agriff gno,währed dem d’fraue i d’bar sind.

image

Nocheme gmeinsame kafi hämer üs ufteilt i es dusch-,es kafi- und es kulturgrüppli. I ha mi letschtere agschlossä.

image

image

Zum znacht gits nöd vil z’sägä…nur s’esse isch guet gsi…

image

Entscheidung des Tages:
Lüt wo sich susch vor suntigsspaziergäng drucked, händ sich plötzli fürs laufe und geg de glüäwy entschide!

Wien: Tag 1 – Welcome Vienna

Nochere relativ churze nacht (bedingt dur d’schneebar und s’packe) is hüt morge i aller früäni losgangä. Für di einte isch da eidütig z’früä gsi und si händ vom fahrer no en extra weckdienst brucht (aber mol nöd de üblich verdächtig)! In alterhy simer den vorem abflug mit dem bild verwöhnt worde:

image

Nocheme churze flug mit under anderem de wahl vom nöchste „austria next topmodel“, simer inwien glandet und händ üses hotel bim westbahnhof chöne bezieh.

image

Aschlüssend isches z’fuess richtig innestadt gangä. Underwägs isch den au no s’mittagesse agseit gsi. De nomittag hämer mitere stadtrundfahrt verbrocht. Dur das sehr usklüglete „boardingsystem“ und em zwüschestopp händs den au die versprochne 1.5stund anebrocht.

image

Nocheme stopp imme kaffihuus wos di erst sachertorte gäh hät (punkt 53.3) und de rückchehr is hotel,is uf d’suechi gangä nocheme ort zum znachtässä.

image

Üsi wienguides händ üs den inne chlies,feins restaurant gfüährt. Domer no bitz händ möse warte bis mer platz gha händ,händs üs au no e chlini bar zeigt (vo de grössi her öbe es wohnzimmer),mit „passende“ priise!

image

Punkt 53.1 (es wienerschnitzel in wien ässe) isch leider erst zum teil erfüllt worde…es isch no miteme hirschschnitzel ergänzt worde. Einigi händ den no d’hotelbar gnutzt,währed dem de wiblich teil vom grüppli direkt is bett isch.

image

Erkenntnis des Tages: Isch no wichtig wa für en sitznochber im flüger häsch…