Archiv der Kategorie: Woche 10

Tag 67 – home, sweet home!

Veröffentlicht am von
Antworten

09:37 – i hanen s’erstmol gseh!
10:07 – home, sweet home

image

Nochdemi am undersee und dihom acho bin, häts no gheisse alles usrume, butze und verstaue bevori am nomittag mich vo mim dihei vo de letschte fast 10 wuche han möse verabschide.
Isch e lässigi reis gsi, han vil dörfe erlebe und gseh. Freu mi jetzt aber au wieder zum zrugg si. Dank allne für s’lese vom blog und ihrne kommentär, emails, rauchzeiche us de heimat…ganz bsunders au en dank a mini bsuecher underwägs.
Do i jo di letschte wuche planlos verbrocht han, sind di erste plän für nöchste summer für mi gmacht worde…es wird aber bestimmt nöd min letschte bsuech im norde gsi si.

image

Erkenntnis des Tages:
Isch immer schön wänns schön isch.

Tag 66 – auf Achse!

Veröffentlicht am von
Antworten

Hüt is witer richtig süde gangä. Noch e paar stund uf de autobahne hani aber nüm recht möge und bime abstecher in frankfurt am main e pause igleit. Gnau rechtzitig häts den au ufghört mit regne (schütte) und i han chli d’innestadt mit de alte und de neue gebäude (hochhüser).
Noch dem stopp is nomel es stuck richtig süde gangä bevori den churz vor stuttgart min letschte stopp igleit han.

image

image

Erkenntnis der Nacht:
Abem 10ni händ letscht nacht d’lastwäge wieder dörfe fahre.

Erkenntnis des Tages:
Isch das öd und astrengend…

Tag 65 – Ab in den Süden!

Veröffentlicht am von
Antworten

Es hät tatsächlich klappt. Mis schwedisch isch gnueg guet gsi zum d’fähre reserviere. Er hät mi zwor chli verduzt agluegt wonem s’natel mit de bestätigung entgege gstreckt han, mi den aber dure lo. So is also z’erstmol vo helsingborg uf helsigør übere. Vo det bini den nöd wie vom navi vorgschlage de autobahn no, sondern quer dur sjælland miteme stopp in roskilde, woni d’stadt chli agluegt han und im begräbnisdom vo de dänische könige gsi bin.

image

image

Nochher is den aber meh oder weniger uf de autobahn witer und i bin es grosses stuck vorwärts cho. So verbringi d’nacht noch hamburg ufeme rastplatz.

Erkenntnis des Tages:
Die hani gha woni s’erstmol wieder en dütsche radiosender empfange ha. Isch mer den sofort klar worde wiesos z’dänemark sovil dütschi gha hät und d’rastplätz vor de grenze so mit lastwäge überfüllt gsi sind…tag der deutschen einheit!

Tag 64 – Sonne! Mir nach!

Veröffentlicht am von
Antworten

Si hät mer also nöd schlecht gfollgt hüt.Rundume häsch immer chli rege gseh, aber i bin ganz troche dure cho. Und so wie d’wise und bäch zum teil usgsehnd, sinds froh gsi, bini dure cho und s’hät wenigstens mol en moment ufghört regne.
Losgangä ischs hüt morge miteme fraueprogrammpunkt…i bin in ullared (e chlises kaff) im grösste ichaufszentrum vo nordeuropa gsi. Isch würkli riesig gsi und i han glaub nöd alles gseh…aber es hät alles nötige und au sehr, sehr vil unnötigs gäh.
Bin den relativ schnell witer und de küste no südwärts. In mölle hani de landzunge kullen en bsuech abgstattet. Es schös naturschutzgebiet…mit golfplatz.

image

De nomittag hani in helsingborg verbrocht, vo wo us es morn mit de fähre witergoht uf helsingør in dänemark. Die stadt hät mer wieder besser gfalle.:-)

image

image

Frage des Tages:
Hät mis schwedisch echt glanget zum s’richtig fährticket löse? Wo landi echt?

Tag 63 – Göteborg, 8 Grad, Regen! Die Frisur hält!

Veröffentlicht am von
Antworten

Hüt is relativ bezite in oslo losgangä, demiti de tag in göteborg chan verbringe. Woni den gege mittag det gsi bi (und sogar cheibe schnell en parkplatz in zentrumsnöchi gha han) is mol chli uf erkundigstour. Dos aber immer wieder chräftig gregnet hät unds mäntig gsi isch (sogar de fischmarkt hät zue gha), isch nöd vil gloffä.

image

Am meiste i de ichaufspassage. Au susch hät göteborg nöd würkli vil z’büte gha. Am meiste hät mer de hafe mit de opere und d’kanäl wo no übrig sind zuegseit.

image

So bini den relativ bald wieder gangä und han in varberg, woni d’nacht verbring, no en spaziergang um d’festig und em stürmische meer entlang gmacht.

image

Erkenntnis des Tages:
Wa nützts mer wänn d’frisur hebt und d’stadt glich nüt z’büte hät…?